دبئی : لگژری نمبر پلیٹس کی بولی، شوقین افراد نے ریکارڈ توڑ دیا

دبئی میں لگژری گاڑیوں کے شوقین افراد نے ایک بار پھر ریکارڈ قائم کرتے ہوئے مہنگی ترین نمبر پلیٹس خریدی ہیں۔روڈز اینڈ ٹرانسپورٹ اتھارٹی (آر ٹی اے) کی جانب سے منعقدہ خصوصی نمبر پلیٹس کی نیلامی میں مجموعی فروخت 10 کروڑ 90 لاکھ درہم سے زائد ریکارڈ کی گئی، جو تقریباً 8 ارب 28 کروڑ پاکستانی روپے بنتی ہے۔ یہ اب تک کی سب سے بڑی نمبر پلیٹ نیلامی قرار دی جا رہی ہے۔یہ دبئی کی روڈ اینڈ ٹرانسپورٹ اتھارٹی کی 120ویں اوپن نمبر پلیٹ نیلامی تھی، جس میں دو سے پانچ ہندسوں پر مشتمل 90 خصوصی نمبر پلیٹس پیش کی گئیں۔

نیلامی کے دوران سب سے مہنگی نمبر پلیٹ BB12 رہی، جو 96 لاکھ 60 ہزار درہم (تقریباً 73.4 کروڑ روپے) میں فروخت ہوئی۔ گاڑی کی نمبر پلیٹ AA25 بھی 80 لاکھ درہم سے زائد میں فروخت ہوئی، جس کی پاکستانی مالیت تقریباً 63 کروڑ روپے بنتی ہے۔

دیگر مہنگی نمبر پلیٹس میں BB30 شامل ہے، جو 67 لاکھ 40 ہزار درہم (تقریباً 51.2 کروڑ روپے) میں فروخت ہوئی، جبکہ CC100 کو 42 لاکھ 10 ہزار درہم میں خریدا گیا، جو پاکستانی کرنسی میں تقریباً 31.9 کروڑ روپے بنتے ہیں۔دبئی کی یہ شاندار نیلامی ایک بار پھر اس بات کا ثبوت ہے کہ ی لگژری گاڑیوں اور خصوصی نمبر پلیٹس کا شوق اپنے عروج پر ہے۔