سماجی رابطے کی ویب سائٹ ” ٹوئٹر” کا لوگو تبدیل کردیا گیا اب چڑیا کی جگہ ” ایکس ” نے جگہ لے لی ہے۔ ٹوئٹر کی چیف ایگزیکٹو لینڈا یاکارینو نے آج صبح ٹوئٹر کا لوگو تبدیل کرنے کے حوالے سے ٹوئٹ کی اور پھر ٹوئٹر کا لوگو باضابطہ طور پر تبدیل کر دیا گیا۔ انہوں نے لکھا کہ ” ایکس آگیا ہے۔”
X is here! Let’s do this. pic.twitter.com/1VqEPlLchj
— Linda Yaccarino (@lindayacc) July 24, 2023
ٹوئٹر کے آفیشل اکاؤنٹ پر یوزر نیم تاحال ’ٹوئٹر‘ ہے لیکن ڈسپلے نیم تبدیل کرکے ’ایکس‘ کر دیا گیا ہے۔ اس بات کا اعلان گزشتہ روز ٹوئٹر کے سربراہ ایلون مسک کرچکے تھے۔ ایلون نے اپنے ٹوئٹر اکاؤنٹ کا لوگو ’ایکس‘ میں تبدیل کرنے کے ساتھ بائیو بھی تبدیل کردیا ہے اور ’ایکس ڈاٹ کام‘ لکھا ہے۔
— Elon Musk (@elonmusk) July 23, 2023
نئے لوگو میں دیکھا جاسکتا ہے کہ سفید رنگ میں” ایکس ” تحریر ہے جبکہ اس کا پس منظر سیاہ رنگت کا ہے۔
Discussion about this post