پاکستان امریکہ ٹیک سرمایہ کاری کانفرنس 2025 ڈیلاس میں

پاکستان امریکہ ٹیک سرمایہ کاری کانفرنس کا انعقاد 13 اور 14 جون کو ڈیلاس ٹیکساس میں کیا جارہا ہے۔ یہ اہم کانفرنس پاکستان اور امریکہ کے ٹیکنالوجی شعبوں کے درمیان سرمایہ کاری، جدت اور دوطرفہ تعاون کو فروغ دینے کے لیے ایک مضبوط پلیٹ فارم فراہم کرے گی۔ دو روزہ کانفرنس میں صنعتی ماہرین، کاروباری شخصیات، سرمایہ کاروں اور پالیسی سازوں کی بڑی تعداد شرکت کرے گی۔ کانفرنس میں کلیدی خطابات، پینل مباحثے، نیٹ ورکنگ سیشنز اور دونوں ممالک کی جانب سے جدید ٹیکنالوجی پر مبنی نمائشیں شامل ہوں گی۔ یہ کانفرنس نئی ٹیکنالوجی، سرمایہ کاری کے امکانات، اور باہمی شراکت داری کے مواقع کو اجاگر کرنے کے لیے ترتیب دی گئی ہے۔ خصوصی توجہ فِن ٹیک، مصنوعی ذہانت، سافٹ ویئر ڈیولپمنٹ، اور ڈیجیٹل انفراسٹرکچر جیسے شعبوں پر مرکوز ہوگی۔  پاکستان امریکہ ٹیک سرمایہ کاری کانفرنس 2025 کو ٹیکنالوجی کے شعبے میں دو طرفہ تعاون کو وسعت دینے اور جدید معیشت کے نئے امکانات کو فروغ دینے کے لیے ایک سنگِ میل قرار دیا جا رہا ہے۔