2024 میں بیرونی سرمایہ کاری میں 11.58 فیصد اضافہ

اسٹیٹ بینک آف پاکستان کے مطابق 2024 بیرونی سرمایہ میں بڑھی ہے، رواں سال کے 11 مہینوں میں بیرونی سرمایہ کاری 11.58 فیصد بڑھی۔ مرکزی بینک کی طرف سے جاری  اعدادو شمار کے مطابق جنوری سے نومبر 2024 کے دوران بیرونی سرمایہ کاری کا حجم 2.05 ارب ڈالرز رہا۔ 2023 کے ابتدائی 11 مہینوں میں بیرونی سرمایہ کاری کا حجم 1.84 ارب ڈالرز تھا، 2024 کے 11 ماہ میں بیرونی سرمایہ کاری 21.34 کروڑ ڈالرز زائد رہی۔ ملکی نجی شعبے میں بیرونی سرمایہ کاری 23 فیصد اضافے سے 2.25 ارب ڈالرز رہی، ملکی نجی شعبے میں براہ راست بیرونی سرمایہ کاری 31 فیصد بڑھی ہے۔ نجی شعبے میں براہ راست سرمایہ کاری کی آمد 46 فیصد اضافے سے 3.41 ارب ڈالرز رہی، نجی شعبے سے براہ راست سرمایہ کاری کا خروج 93.5 فیصد بڑھ کر 1.04 ارب ڈالرز رہا۔ اسٹاک مارکیٹ سے 2024 کے 11 ماہ میں 10.77 کروڑ ڈالرز نکالے گئے جبکہ اوسط ماہانہ 98 لاکھ ڈالرز نکالے گئے ہیں۔