لڑکیوں کی تعلیم موجودہ وقت کا اہم چیلنج ہے

اسلام آباد میں لڑکیوں کی تعلیم سے متعلق کانفرنس سے خطاب کرتے ہوئے وزیراعظم  شہباز شریف کا کہنا تھا کہ پاکستان سمیت مسلم ممالک کو لڑکیوں کی تعلیم کے حوالے سے کئی مسائل کا سامنا ہے۔  مسلم ممالک کو اس سے نمٹنے کے لیے بڑے پیمانے پر کام کرنے کی ضرورت ہے۔  وزیراعظم کا مزید کہنا تھا کہ حکومت اس سلسلے میں تمام تر اقدامات کو بروئے کار لا تعلیم کے فروغ میں مصروف ہے۔ اس شعبے کے چیلنجز کا مقابلہ کرنا ہوگا۔ شہبازشریف کا کہنا تھا کہ  کانفرنس کا انعقاد پاکستان کے لیے اعزاز ہے، شاہ سلمان اور محمد بن سلمان کے کانفرنس میں تعاون پر شکر گزار ہیں۔ملالہ یوسفزئی بہادری اور ہمت کی علامت ہیں، فاطمہ جناح اپنے بھائی قائداعظم کے شانہ بشانہ کھڑی تھیں۔بے نظیر بھٹو اسلامی دنیا کی پہلی خاتون وزیراعظم بنیں، ارفا کریم نے تاریخ بنائی اور آج مریم نواز پہلی خاتون وزیراعلیٰ ہیں۔ اس وقت  22.8 ملین بچے اسکولوں سے باہر ہیں جن میں زیادہ تر لڑکیاں ہیں، ہمیں اس کے لیے اپنی آواز بلند کرنی ہو گی۔