سپریم کورٹ میں عوامی سہولت کے لیے جدید آن لائن پورٹل فعال

چیف جسٹس پاکستان جسٹس یحییٰ آفریدی کی ہدایت پر شہریوں کی رہنمائی اور عدالتی معلومات تک آسان رسائی کے لیے ایک نیا پبلک فیسلیٹیشن پورٹل باقاعدہ لانچ کر دیا گیا۔ اعلامیے کے مطابق پورٹل کا لنک سپریم کورٹ کی آفیشل ویب سائٹ پر فراہم کر دیا گیا ہے، جہاں شہری اب کیس کی تفصیلات محض نام، کیس نمبر یا درخواست کے ذریعے تلاش کر سکیں گے۔مزید یہ کہ ہیلپ لائن 1818 کے ذریعے سپریم کورٹ سے براہِ راست رہنمائی حاصل کرنا بھی ممکن بنا دیا گیا ہے۔

پورٹل کے مختلف سیکشنز میں سہولتیں درج ذیل طور پر دستیاب ہیں:

• Frequently Asked Questions میں عدالت سے متعلق اہم اصطلاحات اور رہنمائی کی وضاحت

• Application Status میں دائر درخواستوں کی ریئل ٹائم ٹریکنگ

• ابتدائی سماعت، التوا اور ویڈیو لنک درخواستوں کی پیش رفت تک آن لائن رسائی

• بیرونِ ملک مقیم پاکستانی بھی اب اپنے مقدمات کی نگرانی آن لائن بیٹھے بیٹھے کر سکیں گے

عدالتی انتظامیہ کے مطابق یہ نیا نظام شہریوں کے لیے انصاف تک رسائی کے سفر کو تیز، شفاف اور ڈیجیٹل بنیادوں پر قابلِ اعتبار بنانے کی طرف ایک اہم قدم ہے۔