صائم ایوب علاج کیلئے لندن روانہ

نوجوان بلے باز جنوبی افریقی شہر کیپ ٹاؤن سے لندن گئے ہیں جن کے ساتھ اسسٹنٹ کوچ اظہر محمود بھی ہیں۔  چیئرمین پاکستان کرکٹ بورڈ محسن نقوی کی ہدایت پر انگلینڈ کے ماہرینِ اسپورٹس آرتھو ڈاکٹر بدھ کو صائم ایوب کا چیک اپ کریں گے۔ محسن نقوی کے مطابق صائم ایوب ملکی کرکٹ کا قیمتی اثاثہ ہیں، ان کے علاج کے لیے ہر ممکن وسائل فراہم کیے جائیں گے۔ اس سے قبل محسن نقوی اور صدرِ پاکستان آصف علی زرداری نے صائم ایوب کو فون کر کے ان کی خیریت بھی معلوم کی تھی اور ان کے لیے نیک خواہشات کا اظہار کیا تھا۔ یاد رہےکہ اوپنر صائم ایوب دائیں ٹخنے میں فریکچر کے سبب 6 ہفتے تک کرکٹ سے باہر ہو گئے ہیں۔ یہ فریکچر جنوبی افریقا کے خلاف دوسرے ٹیسٹ میچ کے پہلے دن فیلڈنگ کرتے ہوئے ہوا تھا۔