ریلوے کا جدید ترین بزنس ٹرین متعارف کروانے کا اعلان

پاکستان ریلویز نے کراچی اور لاہور کے درمیان چلنے والی بزنس ٹرین کو جدید بنانے کا فیصلہ کیا ہے۔ اس نئی ٹرین کا افتتاح وزیراعظم شہباز شریف 19 جولائی کو لاہور ریلوے اسٹیشن پر کریں گے۔ریلوے حکام کے مطابق نئی بزنس ٹرین میں 28 جدید چینی کوچز شامل ہوں گی۔ ٹرین میں مفت وائی فائی اور عالمی معیار کی ڈائننگ کار کی سہولت بھی دی جائے گی۔ریلوے حکام کا کہنا ہے کہ ٹکٹوں کی آن لائن بکنگ اور ٹرین کی لائیو ٹریکنگ ایپ کو بھی بہتر بنایا جا رہا ہے۔ لاہور اسٹیشن پر برقی سیڑھیاں لگا دی گئی ہیں اور 40 اسٹیشنوں پر مفت وائی فائی کی سہولت بھی جلد دی جائے گی۔