پنجاب کا وزیراعلیٰ کون ہوگا، فیصلہ آج

حمزہ شہباز اور پرویز الہیٰ کے درمیان آج کانٹے کا مقابلہ ہے۔ تحریک انصاف اور اس کی اتحادی جماعت قاف لیگ نے دعویٰ کیا ہے کہ اُس کے پاس 188 ارکان کی حمایت ہے۔ جبکہ کچھ ایسا ہی دعویٰ نون لیگ بھی کررہی ہے۔ آج شام 4 بجے پنجاب اسمبلی کے خصوصی اجلاس میں دونوں جانب سے اپنی اکثریت ثابت کرنے کی سر توڑ کوشش کی جائے گی۔ پنجاب اسمبلی میں مہمانوں کا داخلہ بند ہے اسی طرح موبائل فون لے جانے کی بھی اجازت نہیں۔ پنجاب اسمبلی کا یہ اجلاس سپریم کورٹ کی ڈائریکشن پر طلب کیا گیاہے۔