پنجاب کی عوام کے لیے ایک انتہائی ہمدردانہ اور تاریخی قدم, وزیراعلیٰ پنجاب مریم نواز شریف نے غم کی اس گھڑی میں لوگوں کے بوجھ کو ہلکا کرنے کا فیصلہ کر کے ایک بار پھر اپنی عوام دوستی کا ثبوت دیا ہے۔ ان کی زیر صدارت ہونے والے خصوصی اجلاس میں سیکرٹری ایمرجنسی سروسز ڈاکٹر رضوان نصیر کی بریفنگ کے بعد ایک انقلابی فیصلہ سامنے آیا. اب اسپتال سے میت کو گھر یا دوسرے شہر تک پہنچانے کی سہولت مکمل طور پر مفت فراہم کی جائے گی۔ یہ سروس پنجاب بھر میں پہلی بار متعارف ہو رہی ہے، جو سوگوار خاندانوں کے لیے ایک بہت بڑی راحت کا باعث بنے گی۔ اب ہر تحصیل میں کم از کم ایک مخصوص وین تیار رہے گی، جو مرحوم کے اہل خانہ کو اسپتال سے گھر تک عزت اور احترام کے ساتھ پہنچائے گی۔ بس 1122 پر ایک کال کریں یا اسپتال کے کاؤنٹر سے رابطہ کریں، اور یہ سہولت فوری دستیاب ہو جائے گی۔ اس پورے عمل کو اسمارٹ مینجمنٹ سسٹم کے ذریعے نگرانی کی جائے گی تاکہ شفافیت اور کارکردگی برقرار رہے۔ بڑے سرکاری ہسپتالوں سمیت ہر تحصیل میں سرکاری گاڑیوں کی یہ سروس شروع کرنے کے لیے فوری پلان طلب کر لیا گیا ہے۔
ساتھ ہی پرائیویٹ ایمبولینس سروسز کے ریٹس کو ریگولیٹ کرنے اور انہیں منظم کرنے پر بھی اتفاق کیا گیا، تاکہ کوئی بھی استحصال نہ ہو سکے۔یہ اقدام نہ صرف ایک سہولت ہے بلکہ ایک پیغام ہے کہ پنجاب کی حکومت اپنے لوگوں کے غم اور خوشی دونوں میں ساتھ کھڑی ہے۔ مریم نواز کی قیادت میں پنجاب اب ہر سطح پر عوام کی فلاح و بہبود کو ترجیح دے رہا ہے۔
Discussion about this post