پی ٹی آئی کا ججز تقرر کمیشن میں حصہ لینے کا فیصلہ

پی ٹی آئی کی سیاسی کمیٹی کے خصوصی اجلاس کے اعلامیے کے مطابق باضابطہ طور پر جوڈیشل کمیشن پاکستان کا حصہ بننے کا فیصلہ کر لیا گیا ہے۔ جوڈیشل کمیشن پاکستان کے لیے پارلیمان سے ارکان نامزد کرنے پر اتفاق کیا گیا، جوڈیشل کمیشن پاکستان کے لیے حزبِ اختلاف کے 2 ارکان کی نامزدگیوں سے متعلق اسپیکر قومی اسمبلی کے خط پر بریفنگ دی گئی۔جوڈیشل کمیشن پاکستان طویل المدت کمیشن ہو گا، کمیشن کی فیصلہ سازی میں حزب اختلاف کے 2 ارکان کا کردار اہمیت کا حامل ہے۔ پی ٹی آئی کی سیاسی کمیٹی نے جوڈیشل کمیشن کا حصہ بننے کی تجویز متفقہ منظور کی، کمیشن میں حزبِ اختلاف کی نمائندگی کے لیے 2 ناموں کا اعلان بانی پی ٹی آئی کی منظوری کے بعد ہو گا۔