پی ایس ایل کے گیارہویں ایڈیشن کا آغاز آج سے

پاکستان سپر لیگ کا سب سے بڑا اور پرجوش ایڈیشن اب بالکل دہلیز پر ہے.  پی ایس ایل 11 کا شاندار آغاز صرف چند گھنٹوں میں ہونے والا ہے۔ آج شام 7 بجے قذافی اسٹیڈیم لاہور میں دفاعی چیمپئن لاہور قلندرز اور حیدرآباد کنگز کے درمیان زبردست افتتاحی مقابلہ کھیلا جائے گا۔ ہوا میں جوش، تماشائیوں کی چیخیں اور کرکٹ کا جادو، سب کچھ ایک ساتھ شروع ہونے والا ہے۔

اس بار پی ایس ایل کی تاریخ میں پہلی بار آٹھ ٹیمیں ٹرافی "انفینیٹی” کے لیے میدان میں اتریں گی۔ ہر ٹیم فتح کے خواب دیکھ رہی ہے اور ہر میچ ایک نئی جنگ کا اعلان کرے گا۔ پی سی بی نے کفایت شعاری اور بہتر انتظامات کے تحت شیڈول میں اہم تبدیلیاں کی ہیں۔ رواں ایڈیشن کے کل 44 میچز میں سے 22 لاہور کے قذافی اسٹیڈیم میں اور 22 کراچی کے نیشنل بینک اسٹیڈیم میں کھیلے جائیں گے۔ یہ توازن نہ صرف دونوں شہروں کے شائقین کو برابر موقع دے گا بلکہ ٹورنامنٹ کو مزید پرجوش بھی بنائے گا۔

𝑨𝒍𝒍 𝒆𝒚𝒆𝒔 𝒐𝒏 𝑰𝒏𝒇𝒊𝒏𝒊𝒕𝒚 🏆

The eight captains come together all in readiness to carve an exciting chapter in the history of HBL Pakistan Super League 🔥

📍Jinnah Library, Lahore#HBLPSL11 | #NewEra pic.twitter.com/nJAQB2eEr8

— PakistanSuperLeague (@thePSLt20) March 25, 2026

سب کی نظریں اس وقت 3 مئی کو قذافی اسٹیڈیم لاہور پر ہوں گی، جہاں پی ایس ایل 11 کا فائنل میچ کھیلا جائے گا اور انفینیٹی ٹرافی کا مالک فیصل ہو جائے گا۔

اب وقت آ گیا ہے کہ پاکستان کا کرکٹ جنون ایک بار پھر پوری دنیا کو اپنے جادو میں مبتلا کر دے۔ تیار ہو جائیں، کیونکہ پی ایس ایل 11 کا شاندار سفر اب شروع ہونے والا ہے