پریانکا چوپڑہ کا ” جوائے لینڈ ” ہر ایک کو دیکھنے کا مشورہ

بالی وڈ اداکارہ پریانکا چوپڑہ کو پاکستانی فلم ” جوائے لینڈ ” اس قدر پسند آئی ہے کہ وہ اسی تخلیق کے گن گارہی ہیں۔ پاکستانی فلم جو متوقع آسکر کے لیے شارٹ لسٹ کرلی گئی ہے۔ پریانکا چوپڑہ نے بذریعہ ٹوئٹ پاکستانی فلم کی تعریف کی اور ساتھ ہی ” جوائے لینڈ ” کی ویڈیو بھی شیئر کی۔ پریانکا چوپڑہ لکھتی ہیں کہ ” جوائے لینڈ واقعی تفریح سے بھرپور ہے۔ خوشی ہوئی یہ فلم دیکھ کر اور فلم کی ٹیم مبارک باد کی مستحق ہے جس نے اس قدر بامقصد فلم بنائی۔ ” جوائے لینڈ ” ہر ایک کو ضرور دیکھنی چاہیے۔

#Joyland is truly a joy to watch. Bravo to the entire team for bringing this story to life. It’s a must watch@SaimSadiq14 @ApoorvaGC @maggiebriggs17 @Malala @rizwanahmed Alina Khan, Ali Junejo, Sohail Sameer, Sania Saeed, Abdullah Siddiqui, Rasti Farooq

Video via @ellemeuhdit pic.twitter.com/rMhMqTDRT2

— PRIYANKA (@priyankachopra) January 17, 2023

پریانکا نے فلم کی اسٹار کاسٹ اور ہدایتکار کو مبارک باد دی ہے۔ ” جوائے لینڈ ” ایک ایسی تخلیق ہے جس کے چھبتے ہوئے حساس موضوع پر پاکستان میں خاصا احتجاج کیا گیا۔ فلم میں دکھایا گیا ہے ڈانسنگ گروپ میں کام کرنے والا ایک شادی شدہ مرد کس طرح خواجہ سرا کی محبت میں گرفتار ہوجاتا ہے۔ ” جوائے لینڈ ” کی ایگزیکٹو پروڈیوسر ملالہ یوسف زئی ہیں جبکہ اس مووی نے کئی بین الاقوامی ایوارڈز بھی حاصل کیے ہیں۔