خیبرپختونخوا کے ضلع ہنگو میں دو بارودی دھماکوں کے نتیجے میں ایس پی آپریشن اسد زبیر سمیت 3 پولیس اہلکار شہید ہوگئے۔آئی جی خیبرپختونخوا ذوالفقار حمید کے مطابق پہلا دھماکا بلیامینہ کے علاقے میں واقع غلمینہ چیک پوسٹ پر کیا گیا جو اس وقت خالی تھی۔ دھماکے کی اطلاع ملنے پر ایس پی آپریشن اسد زبیر اپنی ٹیم کے ہمراہ موقع پر پہنچے تو اسی مقام پر دوسرا بارودی دھماکہ کیا گیا جس کے نتیجے میں پولیس موبائل الٹ گئی اور ایس پی اسد زبیر سمیت تین اہلکار شہید ہوگئے۔ ڈی ایس پی امجد حسین کے مطابق دہشت گردوں نے بظاہر پہلے خالی چیک پوسٹ کو نشانہ بنا کر پولیس کو موقع پر بلایا اور بعد ازاں دوسرا دھماکا کیا۔ وفاقی وزیر داخلہ محسن نقوی نے بم حملے کی مذمت کرتے ہوئے شہید ایس پی اسد زبیر اور دیگر پولیس اہلکاروں کو خراجِ عقیدت پیش کیا۔ انہوں نے کہا کہ شہدا کی قربانیاں رائیگاں نہیں جائیں گی اور ریاست پوری طرح لواحقین کے ساتھ کھڑی ہے۔ وزیر داخلہ نے غمزدہ خاندانوں سے دلی ہمدردی کا اظہار بھی کیا۔
ہنگو: بم دھماکے میں ایس پی اسد زبیر سمیت 3 پولیس اہلکار شہید
Discussion about this post