سعودی ولی عہد سے ملاقات باعثِ مسرت اور اعزاز تھی، وزیراعظم،

وزیراعظم شہباز شریف نے کہا ہے کہ ریاض میں سعودی ولی عہد و وزیراعظم شہزادہ محمد بن سلمان سے ان کی ملاقات اُن کے لیے باعثِ مسرت اور اعزاز کی حامل تھی۔ اپنے بیان میں وزیراعظم نے بتایا کہ ملاقات کے دوران دونوں رہنماؤں نے پاکستان اور سعودی عرب کے دیرینہ، برادرانہ اور آزمودہ تعلقات پر اطمینان کا اظہار کیا اور اتفاق کیا کہ تجارت، سرمایہ کاری اور اقتصادی تعاون کے نئے دروازے کھولے جائیں گے۔

It was a great pleasure and honor to meet my brother, His Royal Highness Crown Prince Mohammed bin Salman, in Riyadh today.

We reaffirmed the enduring strength of the Pakistan–Saudi Arabia brotherly bonds and discussed ways to further expand this historic and time-tested… pic.twitter.com/dYdqylsalw

— Shehbaz Sharif (@CMShehbaz) October 27, 2025

وزیراعظم شہباز شریف کا کہنا تھا کہ وہ شہزادہ محمد بن سلمان کے ذاتی عزم، ویژن اور پاکستان کے لیے ان کی غیر متزلزل حمایت پر گہرے طور پر شکر گزار ہیں، کیونکہ یہی حمایت دونوں ملکوں اور عوام کی مشترکہ ترقی و خوشحالی کے سفر کو تقویت دے رہی ہے۔ سرکاری ذرائع کے مطابق یہ ملاقات نہایت خوشگوار ماحول میں ہوئی، جس میں نائب وزیراعظم و وزیر خارجہ سینیٹر اسحاق ڈار، چیف آف آرمی اسٹاف جنرل سید عاصم منیر، اور دونوں ممالک کی کابینہ کے سینئر ارکان نے بھی شرکت کی۔

وزیراعظم کی سعودی ولی عہد سے ملاقات، پاک سعودی تعلقات مزید مستحکم بنانے پر اتفاق@CMShehbaz @KSAmofaEN pic.twitter.com/cKXx4X3dmg

— Media Talk (@mediatalk922) October 28, 2025

خیال رہے کہ وزیراعظم شہباز شریف عالمی کانفرنس میں شرکت کے لیے گزشتہ روز سعودی عرب پہنچے تھے، جہاں ریاض میں ہونے والی یہ اہم ملاقات دوطرفہ تعلقات کے ایک نئے مرحلے کی جانب پیش رفت تصور کی جا رہی ہے۔