پاکستان شاہینز کا انگلینڈ ٹور، 18 رکنی اسکواڈ کا اعلان

پاکستان کرکٹ بورڈ نے انگلینڈ کے دورے کے لیے پاکستان شاہینز کے 18 رکنی اسکواڈ کا اعلان کر دیا ہے۔ ٹیم 17 جولائی سے 6 اگست تک انگلینڈ میں دو تین روزہ اور تین ایک روزہ میچز کھیلے گی۔اس نوجوان ٹیم کی قیادت سعود شکیل کے سپرد کی گئی ہے، جب کہ اسکواڈ میں 25 سال سے کم عمر کے 11 کھلاڑی شامل ہیں۔

منتخب کھلاڑیوں کے نام:

علی زریاب، اذان اویس، فیصل اکرم، حیدر علی، معاذ صداقت، مہران ممتاز، میر حمزہ، محمد سلمان، مبصر خان، موسیٰ خان، مشتاق احمد، عمیر بن یوسف، وکٹ کیپر روحیل نذیر، ساجد خان، شاہد عزیز، شامل حسین، عبید شاہ۔ٹیم کی کوچنگ کی ذمہ داریاں سابق ٹیسٹ کرکٹر عمران فرحت سنبھالیں گے۔

پی سی بی کا مؤقف:

پاکستان کرکٹ بورڈ کا کہنا ہے کہ یہ اسکواڈ مستقبل کے ٹیلنٹ کو نکھارنے کے لیے تشکیل دیا گیا ہے، تاکہ نوجوان کھلاڑیوں کو بین الاقوامی سطح پر تجربہ حاصل ہو۔یہ دورہ پاکستانی نوجوان کھلاڑیوں کے لیے ایک سنہری موقع ہے کہ وہ انگلینڈ جیسے مضبوط حریف کے خلاف اپنی صلاحیتیں ثابت کر سکیں۔