چیمپئنز ٹرافی کیلئے اضافی ٹکٹس جاری کرنیکا فیصلہ

میڈیا رپورٹس کے مطابق  پاکستان کرکٹ بورڈ نے  چیمپئنز ٹرافی کیلئے اضافی ٹکٹس جاری کرنے کا فیصلہ کرلیا، تیسرے مرحلے میں 4 میچوں کے مزید ٹکٹس جاری کئے جائیں گے۔ ان میچز کے ٹکٹس کی طلب  زیادہ ہونے کے باعث اضافی ٹکٹ جاری کئے جارہے ہیں۔ معلوم ہوا ہے کہ پاکستان بمقابلہ نیوزی لینڈ اور آسٹریلیا بمقابلہ انگلینڈ میچز کیلئے اضافی ٹکٹ جاری کئے جائیں گے۔ پاکستان بمقابلہ بنگلہ دیش اور لاہور میں ہونیوالے سیمی فائنل میچ کیلئے مزید ٹکٹیں بھی تیسرے مرحلے میں جاری ہونگی۔ ان چاروں میچوں کی ٹکٹس فزیکل اور آئن لائن فروخت کی جائیں گی۔ٹکٹیں آج 6 فروری کو فروخت کیلئے پیش کی جائیں گی، اس کے بعد مزید ٹکٹیں فروخت کیلئے پیش نہیں کی جائیں گی۔