ٹی ٹوئنٹی ورلڈ کپ 2026 کے لیے پاکستانی پلیئرز کٹ کی رونمائی ناگزیر وجوہات کی بناء پر ملتوی کر دی گئی ہے۔ تفصیلات کے مطابق آج آسٹریلیا کے خلاف دوسرے ٹی ٹوئنٹی میچ کے ٹاس کے بعد کٹ کی رونمائی متوقع تھی، تاہم پی سی بی ذرائع کے مطابق اچانک پیش آنے والے عوامل کی وجہ سے یہ پروگرام مؤخر کرنا پڑا۔ پی سی بی کا ورلڈ کپ میں شرکت سے متعلق حتمی فیصلہ پیر کو متوقع ہے، جس کا اعلان چیئرمین محسن نقوی نے وزیرِ اعظم شہباز شریف سے ملاقات کے بعد کیا تھا۔ یاد رہے کہ آئی سی سی کے بنگلادیش کو ورلڈ کپ سے خارج کرنے کے فیصلے پر پاکستان نے سخت ردعمل ظاہر کیا اور اسے دوہرے معیار کے طور پر مسترد کیا تھا۔ ٹی ٹوئنٹی ورلڈ کپ کا باقاعدہ آغاز 7 فروری سے ہو رہا ہے، اور پاکستان ٹیم اپنا پہلا میچ اسی دن نیدرلینڈز کے خلاف کھیلنے کے لیے تیار ہے۔
Discussion about this post