نیویارک میں واقع پاکستانی قونصلیٹ جنرل میں ایک پروقار تقریب کا انعقاد کیا گیا، جس میں پاکستان کی تین باصلاحیت نوجوان خواتین اسکواش کھلاڑیوں سحرش علی، ماحنور علی اور مہوش علی کو ان کی یو ایس اے جونیئر ویمنز گولڈ اسکواش چیمپئن شپ میں شاندار کامیابی پر خراجِ تحسین پیش کیا گیا۔ تقریب میں قونصل جنرل عامر احمد آتوزئی نے تینوں کھلاڑیوں کو اسنادِ تعریفی پیش کیں اور ان کی محنت، نظم و ضبط، اور کھیل میں شاندار مہارت کو سراہا۔ انہوں نے کہا کہ ان نوجوان کھلاڑیوں نے اپنی کارکردگی سے پاکستان کا نام روشن کیا ہے۔
تقریب میں پشاور سے تعلق رکھنے والی سحرش علی کو خصوصی طور پر خراجِ تحسین پیش کیا گیا، جنہوں نے گرلز انڈر 15 کیٹیگری میں چیمپئن شپ ٹائٹل اپنے نام کیا۔ ان کی جیت کو پاکستانی خواتین کھیلوں کے لیے ایک اہم سنگِ میل قرار دیا گیا۔ قونصل جنرل نے تینوں بہنوں کی اجتماعی محنت اور لگن کی تعریف کرتے ہوئے کہا کہ انہوں نے نہ صرف پاکستان کی نمائندگی کی بلکہ ملک بھر کی نوجوان نسل، خصوصاً لڑکیوں کے لیے ایک رول ماڈل کا کردار ادا کیا ہے۔ انہوں نے اس بات کا اعادہ کیا کہ قونصلیٹ نوجوانوں کی صلاحیتوں کو فروغ دینے اور کھیلوں کے ذریعے عالمی سطح پر مثبت روابط کو بڑھانے کے لیے اپنا تعاون جاری رکھے گا۔
Discussion about this post