پاک فضائیہ کا تیمور میزائل سسٹم کا کامیاب تجربہ

پاک فضائیہ نے ایک بار پھر قومی دفاعی صلاحیتوں میں تاریخ رقم کر دی ہے۔ مقامی طور پر تیار کردہ تیمور ویپن سسٹم کا کامیاب تجربہ کیا گیا، جسے قومی فضائی اور دفاعی طاقت میں ایک اہم سنگِ میل قرار دیا گیا ہے۔ ترجمان پاک فضائیہ کے مطابق تیمور ایئر لانچ کروز میزائل روایتی وار ہیڈ کے ساتھ 600 کلومیٹر تک دشمن کے زمینی اور سمندری اہداف کو انتہائی درستگی سے نشانہ بنا سکتا ہے۔ جدید ترین نیوی گیشن اور گائیڈنس سسٹم سے لیس یہ میزائل انتہائی کم اونچائی پر پرواز کرنے کے قابل ہے اور دشمن کے فضائی و میزائل دفاعی نظام کو بھی بآسانی چکمہ دے سکتا ہے۔ اس شاندار فلائٹ ٹیسٹ کا مشاہدہ مسلح افواج کے سینئر افسران، سائنسدانوں اور انجینئرز نے کیا، جو پاک فضائیہ کی تکنیکی مہارت اور پیشہ ورانہ قابلیت کی عکاسی کرتا ہے۔ پاک فضائیہ کے سربراہ ایئر چیف مارشل ظہیر احمد بابر سدھو نے اس کامیابی پر ٹیم کو دل کی گہرائیوں سے مبارکباد دی اور سائنسدانوں، انجینئرز اور افواج کی محنت، لگن اور غیر متزلزل عزم کو سراہا، جس نے پاکستان کی دفاعی طاقت کو مزید مضبوط اور جدید بنایا۔

PAKISTAN AIR FORCE CONDUCTS SUCCESSFUL FLIGHT TEST OF TAIMOOR WEAPON SYSTEM

03 January, 2026: Pakistan Air Force has successfully conducted the flight test of the indigenously developed Taimoor Weapon System, marking another significant milestone in the advancement of national… pic.twitter.com/pRSQkXgOXb

— DGPR (AIR FORCE) (@DGPR_PAF) January 3, 2026