بجلی اور زیادہ مہنگی

نیشنل الیکٹرک پاور ریگولیٹری اتھارٹی (نیپرا) نے ماہانہ فیول پرائس ایڈجسٹمنٹ کی مد میں بجلی مہنگی کردی جس کے مطابق صارفین اضافی ادائیگیاں رواں ماہ کے بلوں میں کریں گے۔  اس اضافے کا اطلاق کے الیکٹرک صارفین پر نہیں ہوگا۔ معلوم ہوا ہے کہ بجلی کی قیمت میں 3 روپے سے 33 پیسے فی یونٹ  کا اضافہ کیا گیا ہے۔ سینٹرل پاور پرچیزنگ ایجنسی نے نیپرا میں دائر اپنی درخواست میں فیول چارج ایڈجسٹمنٹ کی مد میں 3 روپے 49 پیسے کا اضافہ طلب کیا تھا، نیپرا نے مذکورہ درخواست پر 30 مارچ کو سماعت کے بعد اپنا فیصلہ محفوظ کرلیا تھا۔