دہشت گردی کے خلاف دفاع کرنا پاکستان کا حق ہے

امریکی محکمہ خارجہ کے ترجمان نیڈ پرائس نے ذرائع ابلاغ سے گفتگو کرتے ہوئے کہا ہے کہ پاکستانی عوام نے دہشت گردانہ حملوں کی وجہ سے خاصا نقصان اٹھایا ہے اور یہ پاکستان کا حق ہے کہ وہ دہشت گردی کے خلاف اپنا دفاع کرے۔ ان کا مزید کہنا تھا کہ طالبان نے جو وعدے کیے ہیں وہ پورے کیے جائیں۔ طا لبان کوشش کریں کہ اپنی سرزمین عالمی دہشت گرد حملوں کے لیے لانچنگ پیڈ کے طور پر استعمال نہ ہونے دیں۔ نیڈ پرائس کے مطابق طالبان کے فیصلوں کا جائزہ لیا جارہا ہے اور امریکا کی جانب سے رسپانس دیا جائے گا۔