تفتیشی ٹیم نے مصطفیٰ عامر قتل کیس خراب کردیا، محکمہ پراسیکیوشن

محکمہ پراسیکیوشن سندھ نے مصطفیٰ عامر کے اغوا اور قتل کیس میں پولیس کی تفتیش پر تحفظات کا اظہارکردیا ہے اور اس سلسلے میں آئی جی سندھ پولیس کو خط لکھ کر سخت قانونی کارروائی کا مطالبہ کردیا۔  خط کے مطابق ارمغان اور شیراز نے مصطفیٰ عامر کا بے رحمانہ  قتل کیا ہے، تفتیشی ٹیم نے پراسکیوشن کے کیس کو نقصان پہنچایا ہے۔  ملزم ارمغان کے اعترافی بیان سے پہلے نہ تو پراسکیوشن کو آگاہ کیا گیا اور نہ ہی اعتماد میں لیا گیا، ذرائع کے مطابق ملزم ارمغان کا اعترافی بیان ایس ایس پی نے ریکارڈ کررکھا ہے جو کہ قانون قابل قبول ہے۔ ملزم کا اعترافی بیان دوبارہ ریکارڈ کرنے سے متعلق انویسٹی گیشن کے اقدام سے کیس کو نقصان پہنچا ہے۔