بھارت کے مالیاتی مرکز ممبئی میں واقع اسٹاک ایکسچینج کو بم سے اڑانے کی دھمکی موصول ہونے کے بعد عمارت کو فوری طور پر خالی کروا لیا گیا۔ بھارتی میڈیا کے مطابق ایک نامعلوم شخص نے ای میل کے ذریعے دعویٰ کیا کہ عمارت میں 4 آر ڈی ایکس بم نصب کیے گئے ہیں، جو آج سہ پہر 3 بجے پھٹیں گے۔ دھمکی ملتے ہی پولیس اور بم ڈسپوزل اسکواڈ موقع پر پہنچ گئے اور عمارت کی مکمل تلاشی لی۔ بعدازاں حکام نے عمارت کو کلیئر قرار دے دیا۔ ممبئی پولیس نے اس دھمکی آمیز ای میل پر نامعلوم افراد کے خلاف مقدمہ درج کر لیا ہے۔ یاد رہے کہ حال ہی میں پٹنہ ایئرپورٹ کو بھی بم دھماکے کی ایسی ہی ایک دھمکی موصول ہوئی تھی، جس پر سیکیورٹی اداروں نے تلاشی کے بعد اسے بھی کلیئر قرار دیا تھا۔
Discussion about this post