مالاکنڈ: رہنما جے یو آئی کے گھر پر فائرنگ، بیٹا، بیٹی جاں بحق, مفتی کفایت اور اہلیہ زخمی

خیبر پختونخوا کے ضلع مالاکنڈ کے علاقے بٹ خیلہ میں جمیعت علمائے اسلام (ف) کے ضلعی امیر مفتی کفایت  کے گھر پر فائرنگ کا واقعہ پیش آیا۔ فائرنگ کے نتیجے میں مفتی کفایت  اور ان کی اہلیہ شدید زخمی ہوگئے، جبکہ ان کا بیٹا عصمت اور بیٹی موقع پر جاں بحق ہوگئے۔ لیویز حکام کے مطابق فائرنگ مفتی کفایت کے دوسرے بیٹے اعتصام نے کی، جو واردات کے بعد فرار ہوگیا۔ لاشوں اور زخمیوں کو ڈی ایچ کیو اسپتال بٹ خیلہ منتقل کردیا گیا ہے۔ ریسکیو ٹیمیں اطلاع ملتے ہی موقع پر پہنچیں اور زخمیوں کو اسپتال منتقل کیا۔ حکام کے مطابق واقعے کے محرکات تاحال واضح نہیں ہوسکے، تاہم ذرائع کا کہنا ہے کہ فائرنگ کرنے والا ملزم نشے کا عادی ہے۔