الیکشن کمیشن فارن فنڈنگ کیس کا فوری فیصلہ سنائے، مریم نواز

مسلم لیگ نون کی نائب صدر مریم نواز نے الیکشن کمیشن سے مطالبہ کیا ہے وہ تحریک انصاف کے فارن فنڈنگ کیس کا فیصلہ جلداز جلد سنائے۔ٹوئٹر پیغام میں مریم نواز کا کہنا تھا کہ ضمنی الیکشن میں پی ٹی آئی اپنی ہی 20 سیٹوں میں سے 5 ہار جانے پر زیادہ زعم میں نہ آئے۔ پی ٹی آئی قیادت کے الیکشن کمیشن پر اٹیک فارن فنڈنگ کیس کے فیصلے کا خوف ہے۔ تحریک انصاف کو علم ہے کہ اس کیس میں ان کے خلاف ناقابل تردید شواہد سامنے آچکے ہیں۔ مریم نواز کے مطابق پی ٹی آئی فارن فنڈنگ کیس کے ناقابل تردید شواہد کا منظر عام پر لایا جانا ناگزیر ہو چکا ہے، الیکشن کمیشن جلد فیصلہ سنائے