کراچی میں خونی حادثات میں کوئی کمی نہ آئی

کراچی کی شاہراؤں  پر ممنوع اوقات میں ہیوی ٹریفک کی آمد و رفت میں کوئی کمی نہ آئی اور شہر میں ڈمپر نے ایک اور موٹرسائیکل کی جان  لے لی، میڈیا رپورٹس کے مطابق  ہاکس بے مشرف کالونی کے قریب ڈمپرکی ٹکر سے موٹرسائیکل سوار جاں بحق ہوگیا۔جس کی شناخت صدیق کے نام سے ہوئی ہے، لاش کو سول ہسپتال منتقل کر دیا گیا۔ اُدھر بلدیہ ٹاؤن میں گاڑی کی ٹکر سے زخمی ہونے والی خاتون دوران علاج جاں بحق ہوگئی۔متوفیہ کی شناخت 30 سالہ عائشہ کے نام سے کی گئی ہے۔  حادثہ تیز رفتار گاڑی کی ٹکر سے پیش آیا تھا، تیز رفتار گاڑی نے موٹرسائیکل سوار فیملی کو ٹکر ماری تھی، حادثے میں موٹر سائیکل پر سوار 8 سالہ بچی معمولی زخمی ہوئی، جبکہ باپ محفوظ رہا۔ پیر کی شب بھی منگھو پیر میں موٹرسائیکل سوار نوجوان واٹر ٹینکر کی ٹکر سے جاں بحق ہوگیا تھا۔