جسٹس منصور علی شاہ آج سپریم کورٹ نہیں آئے

سپریم کورٹ کے سینئر جج جسٹس منصور علی شاہ آج سپریم کورٹ میں مقدمات کی سماعت کے  لیے دستیاب نہیں ہوں گے۔ معلوم ہوا ہے کہ  جسٹس منصور علی شاہ نے اپنے خاندان کے ایک فرد کی علالت کے باعث آج کی رخصت لی ہے۔ جسٹس منصور علی شاہ کی عدم دستیابی کے باعث ان کی سربراہی میں 3 رکنی بینچ کے سامنے مقرر کیے گئے مقدمات ڈی لسٹ کر دیے گئے ہیں۔ یاد رہے کہ جسٹس منصور علی شاہ کی سربراہی میں جسٹس عائشہ ملک اور جسٹس عقیل عباسی پر مشتمل 3 رکنی بینچ نے مقدمات کی سماعت کرنا تھی۔ جسٹس منصور علی شاہ کی رخصت کے بعد جسٹس عائشہ ملک اور جسٹس عقیل عباسی پرمبنی  2 رکنی بینچ کو مقدمات منتقل کیے گئے ہیں۔