پریس کلب پر پولیس دھاوے کی مکمل انکوائری کا آغاز

آئی جی اسلام آباد پولیس نے پریس کلب پر پیش آنے والے پولیس دھاوے کے واقعے پر فوری تحقیقات کا اعلان کیا ہے۔ میڈیا سے گفتگو کرتے ہوئے انہوں نے کہا کہ "میں خود بھی صحافی رہا ہوں، لہٰذا صحافیوں کی عزت اور تکریم میرے لیے انتہائی اہمیت رکھتی ہے۔” آئی جی نے واضح کیا کہ گزشتہ روز کے واقعے کی مکمل انکوائری کی جا رہی ہے اور اس سلسلے میں تمام صحافتی تنظیموں سے رابطے میں ہیں تاکہ معاملے کی شفاف اور بروقت تحقیقات ممکن ہو سکیں۔

میں خود صحافی رہا ہوں، صحافیوں کی عزت کرتا ہوں، نیشنل پریس کلب واقعے کی تحقیقات کر رہے ہیں، آئی جی اسلام آباد علی ناصر رضوی pic.twitter.com/rJ4kCalQX2

— Khurram Iqbal (@khurram143) October 3, 2025

ایک صحافی کے سوال پر کہ پولیس کو تشدد کی اجازت کس نے دی، آئی جی نے جواب دیا کہ "انکوائری ٹیم سی سی ٹی وی فوٹیج اور دیگر شواہد کا جائزہ لے کر اس معاملے کی تہہ تک پہنچے گی۔” انہوں نے زور دیا کہ اسلام آباد پولیس صحافیوں کے محفوظ اور باعزت ماحول کو یقینی بنانے کے لیے پرعزم ہے اور کسی بھی غیر قانونی عمل کو برداشت نہیں کیا جائے گا۔