بابراعظم تیسرے سے اب چوتھے نمبر پر چلے گئے

انٹرنیشنل کرکٹ کونسل نے ٹی ٹوئنٹی کی نئی درجہ بندی جاری کی ہے۔ جس کے نتیجے میں بابراعظم کھسک کر تیسری پوزیشن سے چوتھی پر پہنچ گئے ہیں۔ محمد رضوان کی پہلی پوزیشن برقرار ہے۔ ایڈن مرکرم جن کا تعلق جنوبی افریقا سے ہے، ان کی پوزیشن دوسری رہی ہے جبکہ بھارتی بلے باز سوریا کمار یادیو تیسری پوزیشن پر براجمان ہیں۔ بات کی جائے بالرز کی تو ٹی ٹوئنٹی درجہ بندی میں آسٹریلوی فاسٹ بالر ہیزل وڈ کا پہلا نمبر ہے۔ تبریز شمسی دوسری اور عادل رشید نے تیسرا نمبر حاصل کیا۔ پاکستان کا کوئی بالر ٹاپ ٹین میں جگہ نہیں بناسکا۔ شاداب خان کا 14 واں اور شاہین شاہ آفریدی کا 19 واں نمبر ہے۔ آل راؤنڈر کی ٹاپ ٹین درجہ بندی میں بھی کوئی پاکستانی کھلاڑی شامل نہیں۔