بھارتی میڈیا کے مطابق عالمی کپ کے پاک بھارت میچ کو لائیو اسٹریمنگ کے ذریعے دیکھنے کاگزشتہ ریکارڈ پاش پاش ہوگیا۔ احمد آباد کے اس میچ کی لائیو اسٹریمنگ ناظرین کی تعداد ساڑھے تین کروڑ تک گئی جو ایک نیا ریکارڈ ہے۔ اس سے پہلے ایشیا کپ کے دوران پاکستان اور بھارت کے ہی میچ کی لائیو اسٹریمنگ کے ذریعے 2.8 کروڑ صارفین نے دیکھا۔
View this post on Instagram
یاد رہے کہ رواں سال انڈین پریمئیر لیگ (آئی پی ایل) کا فائنل 3.2 کروڑ ناظرین نے لائیو اسٹریمنگ کے ذریعے دیکھا تھا۔ پاکستان اور بھارت کے اس میچ کے ڈیجیٹل رائٹس ڈزنی ہاٹ اسٹار انڈیا کے پاس تھے اور اسی نے یہ اعداد و شمار جاری کیے ہیں۔ دلچسپ بات یہ ہے کہ سوشل میڈیا کے دیگر پلیٹ فارمز سے بھی یہ میچ ایک بڑی تعداد میں تماشائیوں نے دیکھا جن کی تعداد کا اندازہ لگایا جارہا ہے۔
Discussion about this post