عدالت سمجھے تو معافی مانگنے کو تیار ہوں، عمران خان

تحریک انصاف کے سربراہ اور سابق وزیراعظم عمران خان نے جج مخالف توہین آمیز الفاظ پر توہین عدالت کیس میں بیان حلفی جمع کرا دیا۔ عمران خان کے مطابق عدالت ان کی جانب سے ایسے بیانات مستقبل میں نہیں دیکھے گی۔ عمران خان مزید کہتے ہیں کہ اگر عدالت سمجھے تو وہ معافی مانگنے کو تیار ہیں۔ گذشتہ سماعت پر عدالت کے سامنے جو کہا اس پر مکمل عمل کریںگے، عدالت اپنے اطمینان کے لیے مزید کچھ کہے تو اس حوالے سے مزید اقدام کے لیے بھی تیار ہیں۔عمران خان کا کہنا ہے کہ انہوں نے جج زیبا چوہدری کو دھمکی نہیں دی اور ناہی ایسا ان کا اراردہ تھا۔ ایکشن لینے سے مراد قانونی کارروائی  کے سوا کچھ نہیں نہیں تھا۔یاد رہے کہ جمعے کو سابق وزیراعظم عمران خان جوڈیشل مجسٹریٹ زیبا چوہدری سے معذرت کرنے کے لیے ان کی عدالت  کا بھی رخ کرچکے ہیں۔