ہزاروں مشتعل مظاہرین نے شیخ حسینہ کے گھر کو آگ لگا دی

بدھ کی رات ہزاروں افراد نے ڈھاکا میں ایک ریلی نکالی اور مارچ کیا جسے” بلڈوزر پروسیشن” کا نام دیا گیا۔  جلوس کا مقصد شیخ حسینہ کے مرحوم والد اور بنگلہ دیش کی علیحدگی کی تحریک کے رہنما شیخ مجیب الرحمان کے گھر کو گرانا تھا جنہوں نے 1971 میں پاکستان سے ملک کی علیحدگی کا اعلان کیا تھا۔ میڈیا رپورٹس کے مطابق  مارچ کے آغاز اور مظاہرین کے اشتعال کی وجہ شیخ حسینہ کا اپنی جماعت عوامی لیگ پارٹی کے حامیوں سے بھارت سے تقریر کرنے کا منصوبہ سامنے آنے کے باعث ہوا، یاد رہے کہ حسین واجہ  اپنی 15 سال سے جاری حکمرانی کے خلاف طلبا کی قیادت میں ہونے والے احتجاج کے بعد بھارت فرار ہونے پر مجبورہوئیں  اور وہاں جلاوطنی کی زندگی گزار رہی ہیں۔ مظاہرین رات 8 بجے گھر کے قریب جمع ہونا شروع ہوئے، اس موقع پر عمارت میں گھسنے سے پہلے مظاہرین میں سے کچھ  نے لاٹھیاں، ہتھوڑے، بیلچے اور دیگر اوزار اٹھائے ہوئے تھے۔عمارت کی بالائی منزل پر رات 9 بج کر 30 کے قریب آگ لگادی گئی،  رات گئے تک کم از کم ایک کرین اور ایک ایکسکیویٹر موقع پر پہنچا، اس دوران عمارت کے کچھ حصے منہدم ہو گئے۔