فٹ بال ورلڈ کپ 2026 , ٹرمپ کا بڑا اعلان، ڈرا واشنگٹن میں ہوگا

امریکی صدر ڈونلڈ ٹرمپ نے دنیا کے سب سے بڑے کھیلوں کے میلے، فیفا ورلڈ کپ 2026 کے حوالے سے تاریخی اعلان کر دیا۔ صدر ٹرمپ کے مطابق ورلڈ کپ کے ڈراز رواں سال دسمبر میں واشنگٹن ڈی سی کے کینیڈی سینٹر میں نکالے جائیں گے۔ صدر ٹرمپ نے وائٹ ہاؤس میں منعقدہ تقریب سے خطاب میں کہا کہ یہ ایونٹ ممکنہ طور پر دنیا کی تاریخ کا سب سے بڑا اسپورٹس ایونٹ ثابت ہوگا۔ انہوں نے واضح کیا کہ ورلڈ کپ 2026 امریکا، کینیڈا اور میکسیکو مشترکہ طور پر میزبان کریں گے۔ اس موقع پر فیفا کے صدر جیانی انفانٹینو بھی موجود تھے۔ ان کا کہنا تھا کہ اس بار ورلڈ کپ میں 48 ٹیمیں شرکت کریں گی اور مجموعی طور پر 104 میچز کھیلے جائیں گے۔

🏆 The stage is set.

🌟 The FIFA World Cup 26™ Final Draw
🗓️ 5 December
🌎 Washington, D.C.
📍 The Kennedy Center#WeAre26 | #FIFAWorldCup pic.twitter.com/AVBgG8vlSr

— FIFA World Cup (@FIFAWorldCup) August 22, 2025

فیفا کے مطابق ایونٹ کے ڈرا میں 48 ٹیموں کو 12 گروپوں میں تقسیم کیا جائے گا، جبکہ ہر گروپ میں 4 ٹیمیں شامل ہوں گی۔ فٹ بال شائقین کے لیے یہ خبر ایک نئے جوش اور امید کی لہر ہے، کیونکہ دنیا بھر کی نظریں اب دسمبر کے اس شاندار لمحے پر مرکوز ہیں جب واشنگٹن میں قرعہ اندازی کے ذریعے ورلڈ کپ کے معرکوں کی بساط بچھائی جائے گی۔