مرتضیٰ بھٹو کی صاحبزادی فاطمہ بھٹو نے بھائی ذوالفقار علی بھٹو جونیئر کے سیاسی میدان میں قدم رکھنے پر ردِعمل کا اظہار کیا ہے۔ مختلف سماجی رابطوں کی ویب سائٹس انسٹاگرام اور ایکس پر پوسٹ شیئر کرتے ہوئے انہوں نے اپنے بھائی کے ساتھ کھڑے ہونے کا اعلان کیا ہے۔ فاطمہ کے مطابق بھائی ذوالفقار علی بھٹو جونیئر زندگی میں جو بھی راستہ اختیار کریں، انہیں فاطمہ بھٹو کی مکمل حمایت حاصل ہے۔
View this post on Instagram
دوسری جانب ذوالفقار علی بھٹو جونیئر نے مختلف سماجی رابطوں کی ویب سائٹ انسٹاگرام اور ایکس پر اپنا طویل بیان 4 مختلف زبانوں انگریزی، اردو، سندھی اور سرائیکی میں جاری کیا ہے۔جس کے مطابق وہ اپنے والد شہید میر مرتضیٰ بھٹو کی میراث کو آگے لے کرچلیں گے تاہم والد کی سیاسی جماعت پاکستان پیپلز پارٹی شہید بھٹو میں کوئی عہدہ یا رکنیت نہیں ہے۔ وہ کہتے ہیں کہ سیاست کا تجربہ نہیں اور ابھی میں پاکستانی عوام سے سیاست سیکھ رہے ہیں اور ان کے مسائل سن رہے ہیں ، جو بہت ضروری ہے۔ میرا راستہ میرا اپنا ہے، لیکن کچھ لوگ میرا نام استعمال کر کے سیاست کر رہے ہیں۔ انہوں نے نیک خواہشت اور دعاؤں کی درخواست کرتے ہوئے یہ بھی واضح کر دیا ہے کہ جو بیان یا تبصرے ان کے آفیشل سوشل میڈیا اکاؤنٹ سے جاری ہوں صرف ان ہی پر یقین کیا جائے، دیگر کسی ذرائع سے آنے والی معلومات یا بیانات سے ان کا کوئی تعلق نہیں اور نہ وہ ان کے ذمے دار ہیں۔
Discussion about this post