دبئی میں پاکستانی ٹیکسی ڈرائیور کی شاندار مثال

دبئی کی سڑکوں پر ایک عام سی ٹیکسی میں بیٹھا ایک پاکستانی ڈرائیور، فلک نیاز خان، آج لاکھوں دلوں کی دھڑکن بن چکا ہے۔ خوش اخلاقی، مہمان نوازی اور چینی زبان میں گفتگو کرنے کی اس کی خوبصورت صلاحیت نے ایک چینی سیاح کو ایسا متاثر کیا کہ اس نے نہ صرف لمحہ کیمرے میں قید کیا بلکہ سوشل میڈیا پر ویڈیو بھی شیئر کر دیجس نے دیکھتے ہی دیکھتے دنیا بھر میں پذیرائی حاصل کی۔چینی سیاح فلک نیاز کی زبان سے رواں چینی سن کر حیران رہ گئی اور مسکرا کر پوچھا،

"کیا آپ پاکستان سے ہیں؟”

یہ سوال صرف تعجب نہیں تھا، بلکہ محبت اور عزت کے اس جذبے کا اعتراف تھا جو فلک نیاز نے پیش کیا۔

عزت، مہربانی، انعام!

ویڈیو جب حکومت دبئی تک پہنچی، تو فلک نیاز خان کو ان کی شاندار خدمات پر روڈ اینڈ ٹرانسپورٹ اتھارٹی (RTA) کی جانب سے خصوصی انعام سے نوازا گیا۔
یہ صرف ایک انعام نہیں تھا، بلکہ پاکستان کے ایک بیٹے کی عظیم تربیت، تہذیب اور مہمان نوازی کا عالمی اعتراف تھا۔ فلک نیاز خان نے دبئی کا نام روشن کیا، مگر ساتھ ہی پاکستانی تہذیب، روایات اور زبان سے محبت کا بھی جھنڈا بلند کر دیا۔ یہ واقعہ ثابت کرتا ہے کہ انسانیت، محبت اور خلوص کی کوئی سرحد نہیں ہوتی اور ایک مسکراہٹ، ایک نرم لہجہ اور چند بول کسی کے دل میں ہمیشہ کے لیے جگہ بنا سکتے ہیں۔