انٹر بینک میں ڈالر کی حیران کن ناقدری

انٹربینک میں کاروبار کے اختتام پر ڈالر 228 روپے 80 پیسے کا رہا۔ اس اعتبار سے دن بھر میں ڈالر کی قیمت میں 9 روپے 58 پیسے کی کمی آئی۔ یاد رہے کہ گزشتہ کئی دنوں سے ڈالر کی قیمت کو پر لگ چکے تھے۔ آج کاروبار کے آغاز پر ہی روپے کی قدر میں بہتری آئی۔ انٹربینک میں ایک مرحلے پر ڈالر 11 روپے تک سستا ہوگیا تھا۔ معاشی تجزیہ کاروں کا کہنا ہے کہ ملکی سیاسی استحکام کی بنا پر بھی ڈالر کی قیمت میں کمی آئی ہے اور امکان ظاہر کیا جارہا ہے کہ آنے والے دنوں میں ڈالرز کی قدر میں اور گراوٹ آئے گی۔