کامن ویلتھ گیمز: پاکستانی پہلوانوں کی کامیابی کا سلسلہ جاری

برمنگھم میں جاری دولت مشترکہ کھیل میں پاکستان کے 3 پہلوانوں نے شاندار کارگردگی کا مظاہرہ کرتے ہوئے فائنل میں جگہ بنالی، ریسلر محمد شریف طاہر نے کینیڈا کے ریسلر کو 1۔5 سے شکست دے کر 74 کی کیٹگری میں کامیابی حاصل کی ہے جبکہ علی اسد نے فری اسٹائل ریسلنگ میں 57 کلو گرام کوارٹر فائنل مقابلے میں نمیبیا کے ریسلر کو شکست دے کر سیمی فائنل کے لیے کوالیفائی کیا۔ انہوں نے نمیبیا کے ریسلر کو 0-10 سے شکست دی۔ یہی نہیں پاکستان کے ایک اور ریسلر نے ملک کا نام روشن کرتے ہوئے کواٹر فائنل میں جگہ بنائی ہے۔ طیب رضا نے بہماس کے ریسلر کو صفر کے مقابلے میں 10 پوائنٹس سے ہاراکر کوارٹر فائنل میں پہنچ چکے ہیں۔ طیب رضا نے 2018 کامن ویلتھ گیمز میں کانسی کا تمغہ جیتا تھا۔