راولپنڈی کی انسدادِ دہشت گردی کی عدالت نے علیمہ خان کے خلاف ناقابلِ ضمانت وارنٹ جاری کر دیے ہیں اور ایس پی راول کو حکم دیا ہے کہ ملزمہ کو گرفتار کر کے کل تک عدالت میں پیش کریں۔یہ فیصلہ بانیِ پی ٹی آئی کی ہمشیرہ علیمہ خان کے خلاف 26 نومبر کے احتجاج کے مقدمے کی سماعت کے دوران سامنے آیا۔ علیمہ خان کے وکیل نے عدالت میں کہا کہ ان کی موکلہ عدالت میں پیش نہیں ہوں گی جب تک ان کا بینک اکاؤنٹ اور شناختی کارڈ ڈی فریز نہ ہوں۔ ملزمہ نے عدالت کے سامنے اپنی گرفتاری پر تحفظات کا اظہار کرتے ہوئے کہا کہ بانی قید تنہائی میں ہیں اور ہمیں معلوم نہیں کہ وہ کس حال میں ہیں۔اسپیشل پراسیکیوٹر ظہیر شاہ نے سخت ردعمل دیتے ہوئے کہا کہ عدالت کو علیمہ خان کے مطالبات کے تحت ہائی جیک نہیں کیا جا سکتا اور مقدمے کا ٹرائل روزانہ کی بنیاد پر جاری رہے گا۔عدالت نے فریقین کے دلائل سننے کے بعد علیمہ خان کی حاضری سے استثنیٰ کی درخواست مسترد کرتے ہوئے نا قابلِ ضمانت وارنٹِ گرفتاری جاری کر دیے۔ انسدادِ دہشت گردی کی عدالت نے واضح کیا کہ ملزمہ جب تک عدالت میں پیش نہیں ہوں گی، ان کے بینک اکاؤنٹ اور شناختی کارڈ بلاک رہیں گے۔ ساتھ ہی عدالت نے علیمہ خان کے ضامن کو بھی نوٹس جاری کرتے ہوئے سماعت کل تک ملتوی کر دی۔سماعت کے دوران استغاثہ کے گواہان بھی عدالت میں موجود تھے، جس سے مقدمے کی سنگینی اور شفافیت واضح ہوئی۔
Discussion about this post