جسمانی ریمانڈ معطل

اسلام آباد ہائیکورٹ نے سینئیر صحافی مطیع اللہ جان کا دو روزہ جسمانی ریمانڈ کا فیصلہ معطل کردیا ہے۔ مطیع اللّٰہ جان کی وکیل ایمان مزاری کا کہنا ہے کہ استدعا ہے کہ جسمانی ریمانڈ کے خلاف درخواست پر سماعت آج ہی ہو، آج سماعت نہ ہوئی تو درخواست غیر مؤثر ہو جائے گی۔ یاد رہے کہ جمعرات کو انسدادِ دہشت گردی کی خصوصی عدالت نے مطیع  جان کو دو روزہ جسمانی ریمانڈ پر پولیس کے حوالے کر دیا تھا۔ صحافی اور اینکر کے خلاف اسلام آباد کے تھانہ مارگلہ میں مقدمہ درج کیا گیا تھا۔ایف آئی آرکے  مطابق پولیس نے مطیع جان کو ای نائن چیک پوسٹ سے گرفتار کیا تھا، گاڑی کو پولیس نے گزشتہ رات ناکے پر رکنے کا اشارہ کیا تھا۔گاڑی روکنے کے بجائے پولیس پر چڑھا دی، گاڑی کی ٹکر سے ڈیوٹی پر مامور کانسٹیبل مدثر زخمی ہو گیا تھا۔