پنجاب : سیلاب، تاریخ میں پہلی بار ’’کلینک آن بوٹس‘‘ سروس کا آغاز

پنجاب کے سیلاب زدہ علاقوں میں پہلی بار تاریخ رقم  جب کشتیوں کو اسپتالوں میں بدل دیا گیا۔ ’’کلینک آن بوٹس‘‘ نامی یہ انقلابی اقدام وزیراعلیٰ پنجاب مریم نواز شریف کے ویژن کا عملی ثبوت ہے، جو متاثرہ عوام کو عین ان کے دروازے پر علاج کی بہترین سہولتیں فراہم کر رہا ہے۔ سیلاب کے ریلیف کیمپ اب محض پناہ گاہ نہیں، بلکہ شفقت اور سہولت کے مراکز ہیں۔ ہر کشتی ایک امید کا پیغام لاتی ہے، جہاں ڈاکٹر اور عملہ دن رات مصروفِ عمل ہیں۔ خواتین اور بچوں کے علاج کے لیے خصوصی انتظامات نے ان کی فکر کو کم اور اعتماد کو بڑھا دیا ہے۔ حاملہ خواتین کے لیے باقاعدہ چیک اپ، ملٹی وٹامنز، سینٹری کٹس اور رورل ایمبولینس سروس موجود ہے تاکہ ہر زندگی کو تحفظ دیا جا سکے۔

کیمپوں میں روزانہ بچوں کے لیے اسپیشلسٹ ڈاکٹرز کی حاضری، نومولود کی ویکسی نیشن، اور غذائی قلت سے لڑنے کے پروگرام ایک نئی مثال قائم کر رہے ہیں۔ ملیریا، ہیضہ، جلدی امراض اور پیٹ کی بیماریوں کے علاج کے لیے ہر ضروری دوا دستیاب ہے، جبکہ او آر ایس اور اینٹی بائیوٹکس کی وافر مقدار نے ہر کیمپ کو صحت کا قلعہ بنا دیا ہے۔ مریم نواز شریف کے اس جرات مندانہ اقدام نے فلڈ ریلیف کو محض امداد نہیں بلکہ ایک تاریخی خدمت میں بدل دیا ہے۔ پنجاب کی سرزمین پر آج صحت اور ہمدردی کی ایسی مثال قائم ہوئی ہے جو آنے والی نسلوں کے لیے یادگار رہے گی۔ یہ صرف ریلیف نہیں، بلکہ ایک نئے پنجاب کی جھلک ہے  جہاں مشکل وقت میں عوام اکیلے نہیں، حکومت ان کے ساتھ ہے۔