بابر اعظم کا بگ بیش لیگ میں سفر اختتام پذیر

پاکستان کرکٹ بورڈ نے بابر اعظم کو آسٹریلیا کے خلاف سیریز کے لیے وطن واپس بلا لیا ہے، جس کے بعد وہ سڈنی سکسرز کے بقیہ میچز میں دستیاب نہیں ہوں گے۔ بابر اعظم نے اپنے پیغام میں کہا کہ سڈنی سکسرز کا حصہ بن کر میں نے بہت لطف اٹھایا، فینز کی محبت اور سپورٹ کے لیے بے حد شکر گزار ہوں۔ انہوں نے مزید کہا کہ بگ بیش کھیل کر بہت کچھ سیکھنے کا موقع ملا اور یہاں گزرا ہوا وقت ہمیشہ یاد رہے گا۔ وہ سڈنی سکسرز کے اگلے میچز کے لیے دعا گو ہیں۔

A message from Babar before he heads back to Pakistan to join his national teammates in camp 🩷 pic.twitter.com/0vO0Nuokzw

— Sydney Sixers (@SixersBBL) January 22, 2026

اعداد و شمار کے مطابق بابر اعظم نے 11 میچز میں 202 رنز بنائے، جن میں 3 چھکے اور 19 چوکے شامل تھے۔ بابر اعظم کی رخصتی کے ساتھ بگ بیش لیگ سے پاکستان کے تمام کھلاڑی بھی باہر ہو گئے ہیں۔ سڈنی سکسرز نے سماجی رابطے کی ویب سائٹ ایکس پر بابر اعظم کا بیان شیئر کرتے ہوئے کہا کہ وہ سڈنی سکسرز کے کوچز، کھلاڑیوں اور فینز کا شکریہ ادا کرتے ہیں، اور بدقسمتی سے نیشنل ڈیوٹی کی وجہ سے انہیں ٹیم چھوڑنا پڑ رہا ہے۔ واضح رہے کہ سڈنی سکسرز کا کل چیلنجر فائنل ہوبارٹ ہیوریکینز کے ساتھ شیڈول ہے، اور چیلنجر جیتنے والی ٹیم بی بی ایل کے فائنل میں اتوار کو پرتھ اسکارچرز سے مقابلہ کرے گی۔

Thank you, Babar 👑

Babar Azam has been recalled to join Pakistan’s national camp ahead of upcoming international fixtures.

He will be unavailable for the remainder of the BBL|15 Finals Series.

More info at https://t.co/XFOTpJiF9I 📲 pic.twitter.com/EOaLKZlLG0

— Sydney Sixers (@SixersBBL) January 22, 2026