اب فیصلے 7 رکنی کمیٹی کرے گی

تحریک انصاف کے رہنما اسد عمر کا کہنا ہے کہ عمران خان کی گرفتاری کے بعد اب 7 رکنی کمیٹی مستقبل کے فیصلے کرے گی۔ اس کمیٹی کی سربراہی شاہ محمود قریشی کریں گے۔ اسد عمر کا کہنا تھا کہ عمران خان کو خدشہ تھا کہ انہیں گرفتار کرلیا جائے گا اسی لیے انہوں نے یہ کمیٹی بنائی تھی۔ اسد عمر کا دعویٰ ہے کہ پرامن احتجاج کرنے والوں پر تشدد کیا گیاجس پر ہم بین الاقوامی میڈیا پر آواز اٹھائیں گے۔ عمران خان کے چاہنے والوں کا حق ہے کہ پُرامن احتجاج کریں۔