اسد عمر کی پیشی پر طبعیت ناساز، اسپتال منتقل

تحریک انصاف کے سابق رہنما اسد عمر لاہور کی انسداد دہشت گردی کی عدالت میں پیش ہوئے تھے۔ سماعت سے قبل ہی ان کی حالت ناساز ہوگئی۔ جس کے بعد ان کو اٹھا کر مرکزی دروازے تک لے جایا گیا جہاں سے انہیں پنجاب انسٹیٹیوٹ آف کارڈیالوجی منتقل کردیا گیا۔ اسد عمرکے وکیل کا کہنا تھا کہ  عدالت میں ہی بیٹھے ہوئے ان کے دل میں تکلیف ہوئی جس پر انہیں فوری پی آئی سی منتقل کیا گیا ہے۔ اسد عمر کے ہمراہ شاہ محمود قریشی کے صاحبزادے زین قریشی بھی اسپتال پہنچ گئے ہیں۔ اسد عمر کے پی آئی سی میں ابتدائی ٹیسٹ مکمل ہوچکے ہیں اور ان کی ای سی جی بھی ٹھیک آئی ہے۔ 9 جون کو بھی اسد عمر کی طبیعت خراب ہوگئی تھی، اور اس وقت کراچی میں تھے جہاں انہوں نے ریسکیو 1122 کی ایمبولینس کو بلایا۔ آج اسد عمر آج 9 مئی کے مقدمات میں ضمانت کی میعاد ختم ہونے پر عدالت پیش میں ہوئے تھے۔