کراچی: آلو کی برآمد کی آڑ میں ہیروئن اسمگلنگ کی واردات

اینٹی نارکوٹکس فورس  نے آلو کی برآمد کی آڑ میں ہیروئن اسمگلنگ کی واردات پکڑ لی۔ معلوم ہوا ہے کہ  اے این ایف نے کراچی انٹرنیشنل کنٹینر ٹرمینل پر کارروائی کی ہے۔ سری لنکا بھیجے جانے والے آلوؤں کے کنٹینر سے 5 کلو ہیروئن برآمد ہوئی ہے۔ 80 تھیلوں میں سے ہر تھیلے میں 1 سے 2 ہیروئن بھرے آلو رکھے گئے تھے۔  ایک ملزم کو اس معاملے پر گرفتار کیا گیا ہے۔