آسٹریلوی کرکٹ بورڈ کے مطابق ون ڈے سیریز افغانستان میں خواتین اور لڑکیوں کے حقوق کی نامناسب صورتحال کی بنا پر ملتوی کی گئی ہے۔ صورتحال کا جائزہ لے رہے ہیں اور اس معاملے کی بہتری کے لیے افغان کرکٹ بورڈ کے ساتھ مسلسل رابطے میں ہیں۔ بورڈ کے مطابق آسٹریلوی حکام نے بتایا ہے کہ افغانستان میں صورتحال پہلے سے بھی بدترین ہوچکی ہے۔ آسٹریلوی بورڈ اپنے ماضی کے مؤقف پر قائم ہیں اور افغانستان کے خلاف باہمی سیریز ملتوی کی جارہی ہے۔ کرکٹ آسٹریلیا نے کہا کہ کرکٹ میں خواتین اور لڑکیوں کی شرکت کی حمایت کرتے رہیں گے، آئی سی سی اور افغانستان بورڈ سے رابطے میں رہے گا، مستقبل میں سیریز کے بحالی کے لیے کام جاری رکھیں گے۔ یاد رہے کہ دونوں ٹیموں کے درمیان 3 ٹی ٹوئنٹی میچز کی سیریز رواں برس اگست میں شیڈول تھی۔ آسٹریلیا نے اس سے پہلے بھی گزشتہ سال اپنی حکومت کی مشاورت سے ون ڈے سیریز بھی ملتوی کی تھی۔
Discussion about this post