معرکہ حق کا ایک سال مکمل، ’ہم ہیں بنیان مرصوص‘ ٹیزر جاری

کچھ لمحے تاریخ کے سینے میں اس طرح اتر جاتے ہیں کہ صدیاں گزر جائیں، مگر ان کی گونج کبھی مدھم نہیں پڑتی۔ معرکۂ حق ایسا ہی ایک لمحہ تھا، اور آج اس کی پہلی سالگرہ پر پاک فوج نے ‘ہم ہیں بنیان رصوص’ کا ولولہ انگیز ٹیزر جاری کر کے اس یاد کو ایک بار پھر دلوں میں تازہ کر دیا ہے۔

ہم ہیں بنیان المرصوص کا شاندار ٹیزر جاری
دفاعِ پاکستان کے درخشاں باب "معرکہ حق” کی کامیابی کو ایک سال مکمل
معرکہ حق جب پاک فوج نے دشمن کے غرور کو خاک میں ملا کر نئی تاریخ لکھی
ایک سال قبل افواج پاکستان کے غازیوں نے دشمن کو عبرتناک شکست دی تھی@iamabidmalik @KulAalam pic.twitter.com/FXZixFochM

— Media Talk (@mediatalk922) April 23, 2026

ایک سال پہلے جب دشمن نے غرور کے نشے میں پاکستان کی سرزمین کو چیلنج کیا، تو افواجِ پاکستان کے بہادر سپوتوں نے وہ جواب دیا جو تاریخ کے صفحات پر سنہری حروف سے لکھا گیا۔ انہوں نے نہ صرف دشمن کے ارادوں کو خاک میں ملایا بلکہ پوری دنیا کو یہ پیغام دیا کہ پاکستان کا دفاع کوئی کمزور کڑی نہیں، یہ ایک ناقابلِ تسخیر قلعہ ہے جس کی دیواریں خون اور ایمان سے بنی ہیں۔ بنیان مرصوص، یعنی سیسہ پلائی ہوئی دیوار، یہ محض ایک عربی اصطلاح نہیں بلکہ اس جذبے کا نام ہے جو اس معرکے میں ہر سپاہی کے سینے میں دھڑکتا تھا۔ جب افراد ایک دوسرے سے اس طرح جڑ جائیں کہ ان کے درمیان کوئی درز نہ رہے، تو وہ قوت بن جاتے ہیں جسے کوئی طاقت نہیں توڑ سکتی۔ یہی پیغام اس ٹیزر کے ہر فریم میں جھلکتا ہے۔ اس تاریخی موقع پر جاری کیا گیا نغمہ ‘وطن کی خاطر’ ان شہداء کو خراجِ عقیدت ہے جنہوں نے اپنی جانیں ہتھیلی پر رکھ کر اس سرزمین کی حفاظت کی۔ ان کے نام کسی کتاب میں نہیں، وہ تو اس مٹی کے ذرے ذرے میں سمائے ہوئے ہیں، اور یہ نغمہ انہی ذروں کی زبان میں گایا گیا ہے۔ ٹیزر میں دکھائی گئی جرأت، استقامت اور دشمن پر طاری ہونے والی ہیبت محض سنیما کی تصویریں نہیں، یہ ان لمحوں کی جھلک ہے جو اس معرکے میں زندہ ہوئے اور جو آنے والی نسلوں کو یہ بتاتے رہیں گے کہ پاکستان کا مطلب کیا ہے اور اس کے محافظ کس مٹی کے بنے ہیں۔