بحیرۂ عرب کے پانیوں میں ایک تیز اور دھواں دار کارروائی نے پوری دنیا کی توجہ اپنی طرف کھینچ لی ہے۔ امریکی سینٹرل کمانڈ (سینٹکام) نے ایرانی تجارتی جہاز "ٹوسکا” پر حملے اور قبضے کی ویڈیو جاری کر دی ہے، جو دیکھتے ہی دل دہلا دیتی ہے۔ امریکی میرینز نے جہاز پر مکمل قبضہ کر لیا اور اب یہ ایرانی مال بردار جہاز امریکا کی تحویل میں ہے۔ صدر ڈونلڈ ٹرمپ نے خود اس کارروائی کا اعلان کرتے ہوئے کہا کہ جہاز امریکی بحری ناکہ بندی توڑنے کی کوشش کر رہا تھا، مگر یہ اس کے لیے مہنگا پڑ گیا۔
— U.S. Central Command (@CENTCOM) April 19, 2026
امریکی بحریہ کے گائیڈڈ میزائل ڈسٹرائر یو ایس ایس سپروانس نے گھنٹوں کی وارننگ کے بعد جہاز کے انجن روم میں فائرنگ کر کے اسے مفلوج کر دیا۔ پھر میرینز نے جہاز پر چڑھ کر اس پر قبضہ کر لیا۔ ایران نے اسے صریح جارحیت قرار دیتے ہوئے شدید ردعمل کا اظہار کیا ہے۔ ایرانی حکام کا کہنا ہے کہ بحیرۂ عمان کے پانیوں میں امریکی فورسز نے جہاز پر فائرنگ کی، نیویگیشن سسٹم تباہ کر دیا اور عملے سمیت جہاز کو حراست میں لے لیا۔ ایران کی مسلح افواج نے خبردار کیا ہے کہ اس جارحانہ اقدام کا جلد اور مؤثر جواب دیا جائے گا۔ یہ واقعہ خطے میں کشیدگی کو نئی بلند ترین سطح پر پہنچا رہا ہے۔ ایک طرف امریکہ اپنی ناکہ بندی کو سختی سے نافذ کر رہا ہے، تو دوسری جانب ایران نے واضح پیغام دے دیا ہے کہ وہ اپنے مفادات اور خودمختاری کی کسی قیمت پر حفاظت کرے گا۔
Discussion about this post