سعودی عرب کا حج کے لیے سخت ترین انتباہ: بغیر اجازت کی کوشش پر بھاری سزائیں

سعودی عرب نے حج کے مقدس فریضے کی حفاظت اور نظم و ضبط کو یقینی بنانے کے لیے انتہائی سخت اقدامات کا اعلان کر دیا ہے۔  سعودی وزارت داخلہ کے مطابق، بغیر اجازت نامہ حاصل کیے حج کرنے یا اس کی کوشش کرنے والوں پر 20 ہزار سعودی ریال تک جرمانہ عائد کیا جائے گا۔ غیر قانونی حجاج کو پناہ دینے یا ان کی کسی قسم کی مدد کرنے والوں پر جرمانہ ایک لاکھ ریال تک ہو سکتا ہے۔وزارت نے واضح کیا ہے کہ وزٹ ویزے پر آنے والوں کو مکہ مکرمہ یا دیگر مقدس مقامات تک پہنچانے والوں پر بھی بھاری جرمانہ ہوگا۔ یہ تمام پابندیاں یکم ذی القعدہ سے 14 ذی الحجہ تک نافذ العمل رہیں گی۔  سب سے سخت سزا یہ ہے کہ غیر قانونی طور پر حج کرنے کی کوشش کرنے والے کو نہ صرف سعودی عرب سے deport کر دیا جائے گا بلکہ اگلے دس سال تک مملکت میں داخلے پر پابندی بھی لگا دی جائے گی۔  یہ تمام اقدامات 18 اپریل سے شروع ہونے والے حج پروازوں کے سلسلے کے پیش نظر لیے گئے ہیں تاکہ حج کا یہ عظیم الشان اجتماع مکمل طور پر منظم، محفوظ اور قانون کے مطابق انجام پائے۔