وزیرِ اعظم شہباز شریف نے لاہور میں ایک تقریب سے خطاب کرتے ہوئے کہا کہ شفافیت اور معیار کو یقینی بنانے کے لیے جدید ٹیکنالوجی کا استعمال ہمارا عزم ہے۔انہوں نے بتایا کہ فوڈ سیکیورٹی اور حفظان صحت کے معیار کو برقرار رکھنے کے لیے پنجاب ایگریکلچر، فوڈ اینڈ ڈرگ اتھارٹی کا قیام وقت کی اہم ضرورت ہے، جو خطے میں سینٹر آف ایکسیلنس کے طور پر کام کرے گی۔ وزیرِ اعظم نے وزیرِ اعلیٰ کے کردار کو سراہتے ہوئے کہا کہ پاکستان کی پہلی پنجاب ایگریکلچر فوڈ اینڈ ڈرگ اتھارٹی کے قیام میں ان کی کوششیں قابل ستائش ہیں، اور یہ منصوبہ قوم کی خدمت کا ایک اہم قدم ہے۔ شہباز شریف نے صنعتی شعبے کے لیے بجلی کی قیمت میں کمی کا بھی اعلان کیا اور کہا کہ جدید ٹیکنالوجی سے آراستہ یہ ادارہ خوراک، زرعی مصنوعات اور ادویات کی شفاف نگرانی کو ممکن بنائے گا۔ انہوں نے مزید کہا کہ فرانزک لیب کے قیام سے جرائم کے خلاف ناقابل تردید شواہد فراہم کیے جائیں گے، جبکہ فوڈ اینڈ ڈرگ اتھارٹی نہ صرف پنجاب بلکہ پورے ملک میں فوڈ سیکیورٹی، غذائیت کی فراہمی اور ملاوٹ کے خاتمے میں کلیدی کردار ادا کرے گی۔ وزیرِ اعظم نے سائنسدانوں اور ماہرین کی کوششوں کو بھی سراہا اور کہا کہ اتھارٹی کا قیام ملک میں معیار، تحفظ اور شفافیت کو فروغ دینے کا سنگِ میل ہے۔
Discussion about this post